புரசைவாக்கம் சந்திரமௌலீஸ்வரர் திருக்கோவில்

மூலஸ்தானத்தில் சிவலிங்க வடிவினராக எழுந்தருளியுள்ளார் சந்திரமௌலீஸ்வரர். சதுர ஆவுடை பீடமும், பெரிய பாணமும் கொண்ட அழகிய திருமேனி. கிழக்கு பார்த்த சந்நிதி. தெற்கு நோக்கி எழுந்தருளி தரிசனம் தருகின்றாள் அம்பாள் திரிபுரசுந்தரி. கோஷ்டத்து மூர்த்தங்களும், உற்சவ மூர்த்தங்களும் அழகாக இருக்கின்றன. வரசித்தி விநாயகர், கல்யாண சுப்ரமண்யர், ஐயப்பன், ஹனுமன், பைரவர் ஆகியோர் தனித்தனி சந்நிதிகள் கொண்டுள்ளனர். இக் கோவிலில், யமபயம் போக்க ம்ருத்யுஞ்ஜய மந்திரம் ஜபிக்கின்றனர்.