மருத்துவாசுரனை சம்ஹாரம் செய்த பிறகு, நித்ய அனுஷ்டானம் செய்ய காவேரியை வரவழைத்து அதனருகே ஞானவாபி ஒன்றை உருவாக்கி அதன் கரையில் நிஷ்டையில் அமர்ந்தார் சிவபெருமான். ஸ்ரீ யோக தட்சிணாமூர்த்தியாக விளங்குவதால் குரு ஸ்தலமாக கருதப்படுகிறது. தேவார வைப்புத்தலம். ஏகாதச ருத்ர பீடங்களுள் - வாம தேவ பீடம். சப்த வனங்களுள் - யோகவனம்.

மூலவர்: யோகீஸ்வரர், அம்பாள்: யோகாம்பாள். மூலஸ்தானத்தில் சிவலிங்க வடிவினராக எழுந்தருளியுள்ளார் யோகீஸ்வரர். சுயம்பு மூர்த்தம். மாலை வேளைகளில் சூரியனது ஒளிக்கதிர்கள் ஸ்வாமி மீது படர்ந்து சூரிய பூஜை செய்கின்றன. அன்னை யோகாம்பாள் உடன் எழுந்தருளி அருள் புரிகிறாள்.