மூலஸ்தானத்தில் மூலவராக எழுந்தருளியுள்ள முருகப்பெருமான் கொள்ளை அழகுடன் காணப்படுகிறார். ஆறரை அடி உயரம் கொண்ட நெடிந்துயர்ந்த அழகிய திருமேனி. வள்ளி - தெய்வயானை தேவியர்கள் உடன் உள்ளனர். பொதுவாக இடது பக்கம் நிற்கும் வள்ளி இங்கு வலப் பக்கமாக நிற்கின்றாள். புராதன ஆபரணமாக, காதில் பெரிய வளையம் மாட்டியிருக்கும் வள்ளியின் திருவுருவம் மிகவும் அழகாக இருக்கின்றது. உற்சவ மூர்த்திகளின் விக்ரஹங்கள் அற்புதமாக வடிக்கப்பட்டுள்ளன. சிவ - பார்வதி திருவுருவங்களை தரிசிக்கலாம்.