மூலஸ்தானத்தில் மூலவராக ஸ்ரீ வரதராஜப் பெருமாள் கிழக்கே திருமுக மண்டலம் கொண்டு நின்ற திருக்கோலத்தில் சேவை சாதிக்கின்றார். தாயார் ஸ்ரீ பெருந்தேவி உடன் எழுந்தருளியுள்ளார். மற்றொரு மூலவராக கங்காதீஸ்வரர் தரிசனம் தருகின்றார். ஒரே ராஜ கோபுரத்தில் சைவ-வைணவ புராணங்களை சிற்பங்களாக சித்தரித்துள்ளனர். அன்னபூரணி, பஞ்சமுக கணபதி, ஆஞ்சநேயர் ஆகிய மூர்த்தங்களை தரிசிக்கலாம். தோப்புக்கண் என்ற பழைய பெயர் மருவி தோப்புக்கானா என்றழைக்கப்படும் இப்பகுதியிலுள்ள பஜார் அருகே கோவில் அமைந்துள்ளது.