மூலவர்: சொக்கலிங்கேஸ்வரர், அம்பாள்: மீனாட்சி. மூலவரான சொக்கலிங்கேஸ்வரர் மூலஸ்தானத்தில் சிவலிங்க வடிவினராக எழுந்தருளியுள்ளார். அவர் தேஜோமயத் திருமேனியுடன், பிரம்மாண்டமான திருவுருவம் கொண்டவர். அன்னை மீனாட்சி அழகே உருவானவள், மிகுந்த வரப்பிரசாதி. அங்கயற்கண்ணி, கயல் விழியாள் என்றெல்லாம் இவருக்குப் பெயர்கள் உண்டு. அனுக்ஞை விநாயகர், ஷண்முகப் பெருமான் மற்றும் உற்சவ மூர்த்தங்கள் யாவும் மிகவும் அழகாக இருக்கின்றன. அதிவீரராம பாண்டியன் பனைமரக்காட்டை திருத்தியமைத்து பனையூர் நகரத்தை உருவாக்கி, மீனாட்சி சொக்கநாதர் ஆலயம் ஒன்றையும் எழுப்பினான் என்று ஸ்தல வரலாறு கூறுகிறது.