பிரதான கருவறையில் மூலவராக ஸ்ரீ பகளாமுகி தேவி எழுந்தருளி அருள்பாலிக்கின்றாள். பிரம்மாஸ்திர ரூபிணி எனப் போற்றப்படும் பகளாமுகி மஞ்சள் வஸ்திரம் உடுத்தி காட்சி தருகிறாள். மேல் வலக்கரம் முத்கரம் எனும் ஆயுதத்தை ஏந்தியும், மேல் இடக்கரம் வஜ்ராயுதத்தை ஏந்தியும், கீழ் வலக்கரம் அபய ஹஸ்தத்துடனும், கீழ் இடக்கரம் எதிரியின் அறுபட்ட நாக்குடனும் காட்சி தருகிறாள். தசமஹாவித்யா எனும் பத்து வடிவங்களில் மாதங்கி, புவனேஸ்வரி, பகளாமுகி, திரிபுரசுந்தரி, தாரா, மாகாளி, மகாலட்சுமி, சின்னமஸ்தா, தூமாவதி மற்றும் பைரவி ஆகிய வடிவங்களில் காணப்படுகிறாள். உச்சிஷ்ட கணபதி, உமா மகேஸ்வரி, ப்ரத்யங்கிரா தேவி, நவகிரகங்கள் மற்றும் நாக தேவதைகளை தரிசிக்கலாம். ஸ்ரீ சூர்யமங்கலம் தந்த்ரிக் வித்யாலயா பீடாதிபதியும், காஞ்சி காமகோடி பீடாதிபதியும் பிரதிஷ்டாப தினத்தில் பங்கேற்று சிறப்பித்துள்ளனர் என கூறப்படுகிறது.