மூலவர் வடதீர்த்த நாத ஸ்வாமி மற்றும் அம்பாள் சௌந்தர நாயகி. மூலஸ்தானத்தில் வடதீர்த்த நாத ஸ்வாமி சிவலிங்க வடிவினராக எழுந்தருளியுள்ளார். 'ஆலமரத்தின் கரையில் இருப்பவர்' எனப் பொருள். கல்வெட்டு குறிப்புகள் இவரை 'ஆலந்துறை மகாதேவர்' எனக் குறிப்பிடுகின்றன. இது ஒரு சுயம்பு லிங்க மூர்த்தம். அம்பாள் சௌந்தர நாயகி தனது பெயருக்கேற்ற சௌந்தர்யத்துடன் காட்சி தருகின்றாள். இவரை பாலசுந்தரி என்றும் அழைப்பார்கள். இது ஒரு தேவார வைப்புத்தலம்.