மூலஸ்தானத்தில் மூலவராக ஸ்ரீ தர்ம சாஸ்தா எழுந்தருளியுள்ளார். பூரணா-புஷ்களா தேவியர்கள் உடன் உள்ளனர். கருவறையின் நேர் எதிரே குதிரை வாகனமும், பலி பீடமும் உள்ளன. ஹேரம்ப லட்சுமி கணபதி எழுந்தருளி அருளாசி வழங்குகின்றார். வலச்சுற்றில் - விஷ்ணு துர்க்கை, வலம்பரி விநாயகர், நாகராஜா, காமாட்சி உடனுறை ஏகாம்பரேஸ்வரர், பக்த ஆஞ்சநேயர், வள்ளி-தெய்வயானை சஹிதம் பாலசுப்ரமண்யர் ஆகியோர் சந்நிதி கொண்டுள்ளனர். சாஸ்தாவின் அலங்காரங்கள் மிகவும் அழகாக இருக்கும். கோவிலை தூய்மையாக வைத்துள்ளனர். நித்ய பூஜைகள் சிறப்பாக நடக்கின்றன.