அன்னையின் சூலத்தில் குத்தியுள்ள எலுமிச்சம்பழத்தை, மகப்பேறு வேண்டுபவர்களுக்குக் கொடுத்து உண்ணச் சொல்கிறார் பூசாரி. அன்னையின் அருளால் அவர்களுக்கு மகப்பேறு உண்டாகிறது. திப்பு சுல்தானின் படைவீரர்களைத் தலைமை தாங்கி நடத்திய அரசி, படைத்தலைச்சி அம்மன் என்று அழைக்கப்பட்டாள். நாளடைவில் இவளைப் பட்டத்து அரசி அம்மன் என்று அழைக்கலாயினர்.

முன் மண்டபத்தில் மிகப் பெரிய திருவுருவமாக எழுந்தருளியுள்ள விநாயகப் பெருமானைத் தரிசிக்கலாம். கன்னிமார்களின் சிலைகள் அழகாக இருக்கின்றன. மூலஸ்தானத்தில் எழுந்தருளியுள்ள அம்மனின் பிரகாசமான திருமுகத்தையும், கருணை பொங்கும் விழிகளையும் பார்த்துக் கொண்டே இருக்கலாம்.