சிறிய குன்றின் மீது ஸ்ரீ குமரக்கடவுள் கோவில் கொண்டுள்ளார். பிரதான கருவறையில், ஸ்ரீ குமரக்கடவுள் மூலவராக நின்ற திருக்கோலத்தில் தரிசனம் தருகிறார். அபய-வரத கரங்களுடன் காட்சி தருகிறார். சந்தனக் காப்பில் ஜொலிக்கும் அழகிய திருமேனி. அருகே வேல் தரிசனம் தருகிறது. வள்ளி - தெய்வயானை தேவியர்களுடன் காட்சி தரும் உற்சவர் பேரெழிலுடன் விளங்குகிறார். பாறையில் தானாகத் தோன்றிய சுயம்பு விநாயகர் எழுந்தருளி ஆசி வழங்குகிறார். பூப்பறிக்கும் சடங்கு பின்பற்றப்படுகிறது. தை அமாவாசை, பங்குனி உத்திரம் தினங்களில் கூட்டம் கூடும். பௌர்ணமி தினங்களில் கிரிவலம் வருகின்றனர்.