மூலஸ்தானத்தில் சிவலிங்க வடிவினராக எழுந்தருளியுள்ளார் சிதம்பரேஸ்வரர். கம்பீரமாக தரிசனம் தரும் ஒளி வீசும் தேஜோமய லிங்கம். சிவன், விஷ்ணு, பிரம்மா ஆகிய மும்மூர்த்திகள், அன்னை சிவகாமி, தட்சிணாமூர்த்தி, துர்க்கை, சங்கநிதி-பதுமநிதி, கணபதி, சுப்பரமண்யர், நந்தி, பைரவர், நவகிரகங்கள் ஆகிய மூர்த்தங்களை ஓம் எனும் வடிவில் அமையும்படி பிரதிஷ்டை செய்துள்ளனர். வக்ரதோஷம் கொண்டதால் தன்னிடத்திலுள்ள செல்வங்களை எல்லாம் இழந்த குபேரன், இத்தலம் வந்து இவ்விறைவனை வழிபட்டு, இழந்த செல்வங்களை எல்லாம் பெற்றான் என ஸ்தல வரலாறு. கர்ப்பகிரகத்திலேயே குபேரபீடம் இருக்கின்றது.