பிரதான கருவறையில் சிவலிங்க வடிவினராக தியான நிலையில் எழுந்தருளியிருக்கும் இறைவன் மிகுந்த வரப்பிரசாதி. 27 அடி உயரம் கொண்ட பிரம்மாண்டமான திருமேனி. காசியில் உருவாக்கி இங்கு எடுத்து வந்து பிரதிஷ்டை செய்துள்ளதாக கூறப்படுகிறது. சாந்தி யோக ஆஞ்சநேயரின் விஸ்வரூபத்தை தரிசிக்க மகிழ்ச்சி உண்டாகிறது. 41 அடி உயரம் கொண்ட ஆஜானுபாகுவான நெடிந்துயர்ந்த திருமேனி. சுகபிரம்ம ரிஷி, கால பைரவர், முருகப் பெருமான் ஆகிய திருவுருவங்களை தரிசிக்கலாம். பிரதோஷ நாட்களிலும், சனிக்கிழமைகளிலும் விஷேச பூஜைகள் நடத்துகின்றனர். சித்திரை திருவிழா சமயம் கள்ளழகர் வைகை ஆற்றில் இறங்க வரும்போது இங்கு தங்கி பக்தர்களுக்கு தரிசனம் அருளுவதாக கூறப்படுகிறது.