செல்வ சித்தி விநாயகரை வணங்கி ஆசி பெற்று மற்ற தெய்வங்களை தரிசிக்க செல்கின்றனர். மூலஸ்தானத்தின் மூலவர் சிவலிங்க ஸ்வரூபமாக, தேஜோமயமாக ஒளி வீசும் திருமணியுடன் கம்பீரமாக தரிசனம் தருகின்றார். விசேஷ நாட்களில் தங்க நாகாபரணத்தில் ஜொலிப்பார். பின்புறமாக மீனாட்சி - சுந்தரேஸ்வரர் மற்றும் மஹாவிஷ்ணு திருவுருவங்களைக் காணலாம். மீனாட்சி கல்யாண கோலம் என்பார்கள். பாலமுருகன், தட்சிணாமூர்த்தி, ஐயப்பன், சக்கரத்தாழ்வார், வெங்கிடாசலபதி, பைரவர் ஆகிய பரிவார தேவதைகளை தரிசிக்கலாம். சக்தி - லட்சுமி - சரஸ்வதி தேவியர்கள் சந்நிதி கொண்டுள்ளனர். விசேஷ மூர்த்தியாக கனகதுர்க்கை எழுந்தருளி அருள்பாலிக்கின்றாள். நால்வர் மற்றும் வள்ளலாருக்கு சந்நிதிகள் உள்ளன. சேர - சோழ - பாண்டிய மன்னர்களின் திருவுருவங்களைக் காணலாம். வைகாசி விழா.