மூலஸ்தானத்தில் ஸ்ரீ நவநீத கிருஷ்ணன் கிழக்கே திருமுக மண்டலம் கொண்டு நின்ற திருக்கோலத்தில் எழுந்தருளி சேவை சாதிக்கின்றார். இரண்டு கைகளிலும் வெண்ணெய் வைத்துள்ளார். ருக்மணி - சத்யபாமா தேவியர்கள் உடன் உள்ளனர். உற்சவ மூர்த்தியான நவநீத கிருஷ்ணனும் இரண்டு கைகளிலும் வெண்ணையை வைத்துக் கொண்டு தரிசனம் தருகின்றார். அற்புதமான எழில் வடிவம். ஸ்ரீ தேவி, பூதேவி தேவியர்கள் உடன் உள்ளனர். ஆண்டாள், விஷ்வக்சேனர், பெரிய திருவடி, சிறிய திருவடி, மணவாள மா முனிகள், ராமாநுஜர், நம்மாழ்வார் ஆகியோரின் திருவுருவங்களை சேவிக்கலாம்.