மூலவர்: திருமூலநாதர், அம்பாள்: உலகம்மை. மூலஸ்தானத்தில் சிவலிங்க வடிவினராக எழுந்தருளியுள்ளார் திருமூலநாதர். ஒளி வீசும் அழகிய லிங்கத் திருமேனி. அம்பாள் உலகம்மை தனி சந்நிதியில் எழுந்தருளி அருள்பாலிக்கின்றாள். லோகாம்பாள் என்ற திருநாமமும் உண்டு. கோஷ்ட மூர்த்தங்கள் அழகாக இருக்கின்றன. மீனாட்சி - சொக்கர், மரகதவல்லி - காசிபநாதர், விசாலாட்சி - விஸ்வநாதர் ஆகிய மூர்த்தங்கள் சந்நிதி கொண்டு தரிசனம் தருகின்றனர். பெருமாளுக்கும் தனி சந்நிதி உள்ளது. தட்சிணாமூர்த்தி தனிக் கோவில் கொண்டுள்ளார். அர்த்த மண்டபம், மஹா மண்டபம், மணி மண்டபம், ஸ்ரீபலி மண்டபம், வசந்த மண்டபம், சபாபதி மண்டபம் ஆகிய மண்டபங்கள் உள்ளன.