சரக்கொன்றை, மஞ்சள் கொன்றை, செங்கொன்றை ஆகிய மூன்று மலர்களையும் அணிந்த இறைவன் என்பதனால் "மூன்றீஸ்வரர்" எனும் திருநாமம் கொண்டார் எனக் கூறப்படுகிறது. உற்சவ மூர்த்தங்களும் பரிவாரத் தெய்வங்களின் திருவுருவங்களும் அழகாக இருக்கின்றன. கருணையாறு, பேறாறு மற்றும் பொருநையாறு - இம்மூன்றும் சங்கமிக்கும் இடமே முக்கூடல்.

மூலவர்: மூன்றீஸ்வரர், அம்பாள்: சிவகாமியம்மை. மூலஸ்தானத்தில் சிவலிங்க வடிவினராக மூன்றீஸ்வரர் எழுந்தருளியுள்ளார். அழகான லிங்கத் திருமேனி. "மண்ணீச்வரமுடையார்" என கல்வெட்டுக் குறிப்புகள் கூறுகின்றன. இதையே வடமொழியில் "பூமிநாதர்" என அழைக்கின்றனர். அன்னை சிவகாமியம்மை உடன் எழுந்தருளி அருள்பாலிக்கின்றாள். ஸ்ரீ லட்சுமி நாராயணப் பெருமாள் கோவிலும் ஒன்றும் உள்ளது.