சேர - சோழ - பாண்டிய மன்னர்களால் வழிபடப்பட்ட இறைவன் என்பதால் மும்முடிநாதர் என்ற பெயர் வந்தது. சீதையை ராவணன் கவர்ந்து சென்றபோது அவனுடன் போரிட்டு ஜடாயு தன் சிறகுகளை இழந்த இடம் இது. எனவே இறகுசேரி எனப் பெயருற்று பின்னர் மருவி இறையான்சேரி என்றானது.

மூலவர்: மும்முடிநாதர், அம்பாள்: சௌந்தர நாயகி. மூலஸ்தானத்தில் சிவலிங்க வடிவினராக எழுந்தருளியுள்ளார் மும்முடிநாதர். வடமொழியில் த்ரிமகுடேஸ்வரர் என்று அழைப்பார்கள். அன்னை சௌந்தர நாயகி பெயருக்கேற்ற சௌந்தர்யத்துடன் தரிசனம் தருகிறாள். விநாயகர், முருகன், பைரவர், சோமாஸ்கந்தர், நடராஜசபை ஆகியன தரிசிக்கலாம். தேவார வைப்புத்தலம்.