மூலவர்: ஸ்ரீ கந்தேஸ்வரர். அம்பாள்: ஸ்ரீ காமாட்சி. மூலஸ்தானத்தில் சிவலிங்க வடிவினராக ஸ்ரீ கந்தேஸ்வரர் எழுந்தருளியுள்ளார். அன்னை ஸ்ரீ காமாட்சி உடன் எழுந்தருளி அருள்பாலிக்கின்றாள். நகரத்தார் வரலாற்றைப் பற்றிய அரிய குறிப்புகளுடன் கூடிய கல்வெட்டுகள் உடைய ஸ்தலம் இது. நான்கு கிராமங்களைக் கொண்ட நகரத்தார் (46 புள்ளிகள்) கோவில். மக்கள் தொகையில் குறைந்த புள்ளிகளைக் கொண்டது வேலங்குடி கிராமமாகும். வேலமரங்கள் நிறைந்து காணப்பட்ட பகுதி என்பதால் வேலங்குடி எனப் பெயர் பெற்றது. மற்றுமோர் சிவாலயத்தில் மரகதவல்லி சமேத ருத்ராபதி நாயனார் எழுந்தருளியுள்ளார். 1 கி.மீ தெற்கே அலங்காரம் கண்ட பெருமாள் கோவில் உள்ளது. அருகேயுள்ள வையகளத்தூர் எனும் ஊரில் ஆவுடைநாயகி சமேத ஆவுடைநாதர் கோவில் இருக்கின்றது. இங்குள்ள கருப்பர் கோவில் மட்டுமே நன்கு பராமரிக்கப்படுகிறது. ஒன்பது நகரத்தார் கோவில்களுள் ஒன்று.