மூலஸ்தானத்தில் மூலவரான சுப்ரமணியர் கிழக்கு நோக்கி எழுந்தருளியுள்ளார். சதுர்புஜங்களுடன் கூடிய அழகான திருமேனி. கரங்களில் வேலோ தண்டமோ வைத்திருக்கவில்லை. மிகப் பழமையான மூர்த்தம். வள்ளி-தெய்வானை தேவியர்கள் உடன் உள்ளனர். ஆலயத்தின் முன்பாக உள்ள ஊஞ்ச மரத்தடியில் ஒரு கல் வடிவம் உள்ளது. இது அருணகிரிநாதரால் வழிபடப்பட்ட வடிவம் எனக் கூறுகின்றனர். திரும்பும் வழியில் இடும்பன் கோவில் ஒன்றும் உள்ளது. சிறிய மலையாக இருந்தாலும் கரடுமுரடான வழுக்குப் பாறைகள் நிறைந்திருப்பதால் கவனமாக ஏற வேண்டும்.