மூலஸ்தானத்தில் மூலவராக ஸ்ரீ பொன் வரதராஜப் பெருமாள் எழுந்தருளி சேவை சாதிக்கின்றார். அபய ஹஸ்த ஆஞ்சநேயர் திருவுருவம் மிகவும் அழகாக உள்ளது. ராம - லக்ஷ்மணர்கள் மூர்ச்சையடைந்தபோது, சஞ்சீவி பர்வத மூலிகையை ஹனுமனால் எப்படிக் கொண்டுவர முடியும் என அங்கதன் வினவியபோது, ஆஞ்சநேயர் அபய ஹஸ்தத்துடன் காட்சி தந்தார் என வரலாறு கூறுகிறது. பொன் வரதராஜபுரம் என்பதை சுருக்கி வரதராஜபுரம் என்றழைத்து பின்னர் மருவி ராஜபுரம் என்றானதாக கூறப்படுகிறது. ராஜபுரம் என்பது மருவி ராசிபுரம் ஆனது. புரட்டாசி மூன்றாம் சனிக்கிழமையன்று பொன் வரதராஜர் கோவிலில் மாடு தாண்டும் விழா நடைபெறுகிறது. அதாவது, பக்தர்கள் கோவில் தரையில் படுத்திருப்பார்கள். அவர்களை மிதிக்காமல் மாடு தாண்டிச் சென்றால், நினைத்த காரியம் கைகூடும் என்று நம்பப்படுகிறது.