அம்பாளின் வேண்டுகோளுக்கிணங்க கூத்தப் பெருமான் தாண்டவமாடியதால் கூத்தப்பெரும் நல்லூர் எனப் பெயருற்று தற்போது கூத்தைப்பார் என்றானது.

மூலவர்: மருதீஸ்வரர், அம்பாள்: ஆனந்தவல்லி. மூலஸ்தானத்தில் சிவலிங்க வடிவினராக எழுந்தருளியுள்ளார் மருதீஸ்வரர். மத்யார்ஜுணேஸ்வரர் என்ற திருநாமமும் உண்டு. தெற்கு பார்த்த சந்நிதியில் அம்பாள் ஆனந்தவல்லி எழுந்தருளியுள்ளார். சதுர்புஜங்களுடன் கூடிய அழகான திருமேனியுடன் தரிசனம் தருகின்றாள். கூத்தபிரான் நடனமாடிய பவளசபை - வலம்புரி வாசலையும் 18 தூண்களையும் கொண்டுள்ளது. பதினெட்டு சித்தர்களும் சிவகணங்களும் தூண்களாக நின்று நடனத்தை ரசித்ததாக ஐதீகம். கோஷ்டத்தில் நடன கணபதியும் அர்த்தநாரீஸ்வரரும் இடம் பெற்றுள்ளனர்.