மூலஸ்தானத்தில் ஸ்ரீ வெங்கடரமணஸ்வாமி ஆஜானுபாகு திருமேனியுடன் கம்பீரமாக நின்ற திருக்கோலத்தில் சேவை சாதிக்கின்றார். ஸ்ரீ தேவி - பூதேவி தேவியர்கள் உடன் உள்ளனர். முசுகுந்த சக்ரவர்த்திக்கு பிரத்யட்சமான அதே கோலத்தில் வெங்கடரமணஸ்வாமி எழுந்தருளியுள்ளார். இது 300 ஆண்டுகளுக்கு முற்பட்ட பழமையான ஆலயம். அருகேயுள்ள சிவாலயத்தில் மீனாட்சி சுந்தரேஸ்வரர் எழுந்தருளியுள்ளார். 2 கி.மீ. தூரத்திலுள்ள அயிலூர் எனும் ஸ்ரீ ராம சமுத்ரத்தில் சௌந்தர நாயகி சமேத வாலீஸ்வரர் எழுந்தருளியுள்ளார்.