மூலஸ்தானத்தில் சிவலிங்க வடிவினராக எழுந்தருளியுள்ளார் பவானி ஈஸ்வரர். சுயம்புலிங்க மூர்த்தம். அழகிய திருமேனி. அம்பாள் பவானி சங்கரி தனி சந்நிதியில் எழுந்தருளி அருள் புரிகின்றாள். மஹாமண்டபத்தில் காட்சி தரும் பஞ்சமுக ஹேரம்ப கணபதியின் திருவுருவம் பார்க்க பரவசமூட்டும் அழகு சிலையாக இருக்கின்றது. ஏழு குதிரைகள் பூட்டிய ரதத்தில் சூரிய பகவான பவனி வர, மற்ற கிரகங்கள் இடம் பெற்றிருப்பது அற்புதமாக காணப்படுகிறது. பவானி ஆற்றின் வடகரையில் அமைந்துள்ள பழமையான ஆலயம்.