மூலஸ்தானத்தில் சிவலிங்க வடிவினராக வியாக்ரபுரீஸ்வரர் எழுந்தருளியுள்ளார். அறம் வளர்த்த நாயகி அன்னைக்கு தனி சந்நிதி உள்ளது. மாத்யந்த முனிவரின் புதல்வரான வியாக்ரபாதர் எனும் புலிக்கால் முனிவர் பூஜித்து வழிபட்ட இறைவன். (வியாக்ர - புலி, பாதம் - கால்). வியாக்ரபாதர் பூஜித்த ஒன்பது சிவ ஸ்தலங்களும் 'புலீஸ்வரம்' என்றும், அதில் எழுந்தருளியுள்ள இறைவனை 'வியாக்ரபுரீஸ்வரர்' என்றும் அழைக்கின்றனர். இது நவ புலீஸ்வரங்களுள் ஒன்று. ஒன்பது புலீஸ்வரங்கள்: 1. திருப்புலிவனம் - காஞ்சிபுரம் 2. புலிப்பாக்கம் - செங்கல்பட்டு 3. புலிபுரக்கோவில் - மதுராந்தகம் 4. ஓமாம்புலியூர் - கடலூர் 5. புலிவலம் - திருச்சி 6. தப்ளாம்புலியூர் 7. பெரும்புலியூர் 8. விளமர் - திருவாரூர் 9. கோடம்பாக்கம் - சென்னை