கருடனிடம் கொண்ட பகை நீங்க ஆதிசேஷன் தவம் இருந்த இடம். பதஞ்சலி முனிவர் வழிபட்டு பூஜித்த ஸ்தலம். வியாக்ரபாதருக்கு பால சயனத்தில் இளமைக் கோலத்தில் மூலவர் தரிசனம் தந்தார் என்பதால் திருவுருவம் சிறியதாக உள்ளது. 108 திவ்ய தேசங்களுள் ஒன்று.

மூலவர்: அருள்மாகடல் பெருமாள்் உற்சவர்: க்ருபா சமுத்ரப் பெருமாள். தாயார்: திருமாமகள் நாச்சியார்் உற்சவத் தாயார்: ஸ்ரீ தயா நாயகி. மூலஸ்தானத்தில் மூலவரான அருள்மாகடல் பெருமாள் தெற்கே திருமுக மண்டலம் கொண்டு, புஜங்க சயனமாக கிடந்த கோலத்தில் சேவை சாதிக்கின்றார். கண்வர், வியாக்ரபாதர் ஆகியோரின் திருவுருவங்களை மூலவரின் திருவடிகளருகே காணலாம். உற்சவர் க்ருபா சமுத்ரப் பெருமாள் சங்கு-சக்கரம், வில், கதை ஆகியன கொண்ட சதுர்புஜங்களுடன் கூடிய அழகான திருமேனியுடன் சேவை சாதிக்கின்றார். தாயார் திருமாமகள் நாச்சியார் மூலவராகவும், ஸ்ரீ தயா நாயகி உற்சவத் தாயாராகவும் எழுந்தருளி தரிசனம் தருகின்றனர்.