அருள்மிகு தில்லைக் காளியம்மன் திருக்கோவில் (சிதம்பரம்)

மூலஸ்தானத்தில் தில்லைக்காளி கிழக்கு பார்த்து எழுந்தருளி தரிசனம் தருகின்றாள். அழகான பெரிய திருவுருவம். நல்லெண்ணெய் அபிஷேகம் விசேஷம். அருகே உற்சவ மூர்த்தம் காணலாம். பக்கத்தில் வீரபத்ரர் சந்நிதி கொண்டு தரிசனம் தருகின்றார். மூலஸ்தானத்தைச் சுற்றி வருகையில் - வடக்கு பிரகாரத்தில் நான்கு முகங்களுடன் பிரம்ம ஸ்வரூபிணி, கிழக்கு பிரகாரத்தில் நாக வைஷ்ணவ ஸ்வரூபிணி, தெற்கு பிரகாரத்தில் கடம்பவன தக்ஷிண ஸ்வரூபிணி என மூன்று சக்திகளாக தரிசனம் தருகின்றாள். வடக்கு பிரகாரத்தில் துர்க்கை, சண்டிகேஸ்வரி, பைரவர் ஆகிய மூர்த்தங்களையும், ப்ரஸன்ன விநாயகர், கார்த்திகேயன் ஆகிய அழகிய திருவுருவங்களையும் தரிசிக்கலாம். அஷ்ட பைரவர்களின் தேவியர்களாக திகழும் அஷ்டமாதர்களில் எட்டாவதான கௌரிகை வீணை ஏந்தி காட்சி தருகின்றாள்.