அருள்மிகு ஸ்ரீ ராமச்சந்திரஸ்வாமி திருக்கோவில் (படவேடு)

மூலவர்: ஸ்ரீ யோக ராமச்சந்திரன், உற்சவர்: கோதண்டராமர், சீதா தேவி, செண்பகவல்லித் தாயார்.

மூலஸ்தானத்தில் ஸ்ரீ ராமபிரான், அர்த்த பத்மாஸனத்தில், அமர்ந்த கோலத்தில், யோக முத்திரை கொண்டு சேவை சாதிக்கின்றார். ராமபிரான் - ஹனுமனுக்கு அருள் புரியும் காட்சி அழகாக இருக்கின்றது. கரங்களில் ஏடு - எழுத்தாணி கொண்டு எழுதும் பாவனையில் ஆஞ்சநேயர் காணப்படுகின்றார். சீதா தேவி அமர்ந்த கோலத்தில் தரிசனம் தருகிறார். செண்பகவல்லித் தாயார்.

ஆயுதங்களின்றி ஹனுமனுக்கு உபதேசம் செய்யும் கோலத்தில் ஸ்ரீ ராமர் காணப்படுவதால், குரு ஸ்தானத்தில் வைத்து போற்றுகின்றனர்.

பிள்ளையார், சிறிய திருவடி, பெரிய திருவடி, வேணுகோபாலர் ஆகிய திருவுருவங்கள் அழகாக இருக்கின்றன.