அருள்மிகு சற்குண நாதேஸ்வரர் திருக்கோவில் (இடும்பாவனம்)

இவ்வூருக்கு அருகேயுள்ள குன்றாளுர் எனும் ஊர், இடும்பன் எனும் அசுரனின் தலைநகர். இடும்பனை வென்று அவனது தங்கையான இடும்பியை மணந்தான் பீமசேனன். இடும்பிக்கு அருள் செய்த பதி இடும்பாவனம் என வழங்கட்டும் என்று வசிஷ்ட மகரிஷி ஆசிர்வதித்தார். சற்குண நிறைவு வேண்டி பிரம்மன் நீண்ட காலம் தவம் மேற்கொண்ட ஸ்தலம் இது. அகத்தியருக்கு இறைவன் மணக்கோலம் காண்பித்த ஸ்தலம். இடும்பன் வழிபட்ட ஸ்தலம். இடும்பன் வழிபட்டதால் இவ்வூர் இடும்பாவனம் எனப் பெயர் பெற்றது. வேதாரண்யத்திலிருந்து மதுரை செல்லும் வழியில் இவ்விறைவனை தரிசிக்க திருஞானசம்பந்தர் வந்தார். இத்தலத்து மணல் எல்லாம் சிவலிங்கங்களாகக் காட்சி தந்தமையால், காலால் நடக்காமல், கரங்களால் நடந்து சென்று வழிபட்டார் என ஸ்தல வரலாறு கூறுகிறது.