அருள்மிகு பசுபதிநாதர் திருக்கோவில் (திருப்புள்ளமங்கை)

மூலவர்: பசுபதிநாதர், அம்பாள்: பால்வளை நாயகி.

மூலஸ்தானத்தில் சிவலிங்க வடிவினராக எழுந்தருளியுள்ளார் பசுபதிநாதர். ஆலந்தரித்த ஈஸ்வரர், பிரம்மபுரீஸ்வரர் ஆகிய பெயர்களும் உண்டு. சுயம்பு மூர்த்தம். அம்பாள் பால்வளை நாயகி தனி சந்நிதி கொண்டு எழுந்தருளி அருள் பாலிக்கின்றாள். அல்லியங்கோதை, சௌந்தர நாயகி போன்ற பெயர்களும் உண்டு.

இங்குள்ள மகிஷாசுரமர்த்தினி விசேஷமானவள். கருங்கல் குடையின் கீழ் எருமைத்தலை மீது நின்ற திருக்கோலம். சங்கு, சக்கரம், வாள், வில், கதை, சூலம், கேடயம், அங்குசம் ஆகியன கரங்களில் கொண்டு, இரண்டு பேர் கத்தியால் தலையை அறுத்துத் தரும் பாவனையில், திரிபங்கி நிலையில் தரிசனம் தருகின்றாள்.

பட்டீஸ்வரம், திருநாகேஸ்வரம், திருப்புள்ளமங்கை ஆகிய மூன்று ஸ்தலங்களிலும் துர்க்கை வடிவங்களை ஒரே சிற்பி உருவாக்கியதாக ஒரு குறிப்பு கூறுகிறது.

நவகிரகங்களுக்கு நடுவே நந்தியம்பெருமான். கோபுரத்தின் மீது எப்போதும் கழுகுகள் இருக்குமாம்.

சப்த மாதர்கள் பூஜித்த ஸ்தலங்களுள் ஒன்று.