அருள்மிகு மீனாட்சி சுந்தரேஸ்வரர் திருக்கோவில் (தென்னாங்கூர்)

ஆற்காடு முதல் திண்டிவனம் வரை தொடர்ச்சியாக ஆறு காடுகள் முற்காலத்தில் இருந்தமையால், இது ஷடாரண்ய க்ஷேத்திரம் என்றழைக்கப்பட்டது. இதன் நடுவேயுள்ள தென்னாங்கூரில், ஒரு பாண்டிய மன்னன் சப்த ரிஷிகளின் துணைகொண்டு புத்ரகாமேஷ்டி யாகம் செய்தான். யாகத்தின் பலனாக, மூன்று வயது குழந்தையாக மீனாட்சி தோன்றிய ஸ்தலம் இதுவென தல வரலாறு கூறுகிறது. பாண்டுரங்கனுக்கு கோவில் எழுப்ப தீர்மானித்த ஹரிதாஸ் கிரி ஸ்வாமிகளும், சேஷாத்ரி ஸ்வாமிகளும் காஞ்சி மஹா பெரியவாளிடம் யோசனை கேட்டனர். மீனாட்சி இங்கு தோன்றியதைப் பற்றியும், தென்னாங்கூரின் பெருமைகளையும் அவர் விவரமாக எடுத்துரைத்தார். மேலும், மீனாட்சி கோவில் ஒன்றும் கட்டுமாறும் யோசனை தெரிவித்தார் எனக் கூறப்படுகிறது. பிரதோஷ தினங்களில் பிரதோஷ வழிபாடு, நவக்கிரக பூஜை ஆகியன நடத்தப்படுகின்றன.