அருள்மிகு சதுர்முக சிவசுப்ரமண்ய சுவாமி திருக்கோவில் (சின்னாளப்பட்டி)

பிரம்மரிஷி பட்டம் பெறும் முயற்சியில் இருந்த விஸ்வாமித்ரர் முன்பாக சிறுமி வடிவில் தோன்றிய பாலதிரிபுரசுந்தரி குங்குமப்பொட்டு வைக்கும்படி கேட்கிறாள். மலைத்துப் போய் அதிசயித்து நின்ற முனிவர் அவ்வாறே செய்தார். அங்குள்ள குளத்தில் தனது பிம்பத்தைப் பார்ப்பதற்காக குனிந்தாள் சிறுமி. குங்குமப் பொட்டின் துகள்கள் குளத்து நீரில் விழுந்து கரைந்தன. அடுத்த விநாடியே, அங்கு ஒளி பொருந்திய முகங்களாக ஒன்றன்பின் ஒன்றாக நான்கு முகங்கள் தோன்றி இணைந்தன. இப்படி உருவானவனே இந்த முருகப் பெருமான். நான்முக முருகனின் அருட்பார்வை பட்டதும், விஸ்வாமித்ரரின் மனதில் குடி கொண்டிருந்த தான் எனும் அகந்தை அகன்றது என ஸ்தல வரலாறு.