அருள்மிகு அங்காள பரமேஸ்வரி திருக்கோவில் (கொடுவாய்)

பிரதான கருவறையில் மூலவராக எழுந்தருளி அருள்பாலிக்கும் அங்காள பரமேஸ்வரி மிகவும் சக்தி வாய்ந்தவள். தரிசிப்போரின் குறைகளை உடனுக்குடன் தீர்த்து வைக்கும் இவள், சுற்றுவட்டாரத்து கிராம மக்களின் குலதெய்வமாக இருந்து காப்பவள்.

மகா மண்டபத்தில் கன்னி மூலை கணபதி, முருகப் பெருமான், கன்னிமார், நாகர்கள் ஆகியோரை தரிசிக்கலாம். மதிலுக்கு அப்பால் பேச்சியம்மன், இருளப்பன், கருப்பராயன் ஆகியோர் கோவில் கொண்டுள்ளனர்.

இங்குள்ள சிவாலயத்தில் பிரதோஷ வழிபாடுகள் சிறப்புற நடக்கின்றன. மூலவராக நாகேஸ்வரர் எழுந்தருளி அருள்புரிகின்றார். பெருமாள் கோவிலில் ஸ்ரீதேவி - பூதேவி சமேத விண்ணளந்த பெருமாளை சேவிக்கலாம். ஆஞ்சநேய மூர்த்தியையும் சேவிக்கலாம்.