அருள்மிகு ஆதி அண்ணாமலையார் திருக்கோவில் - அடி அண்ணாமலையார் (திருவண்ணாமலை)

பெரிய கோவிலில் இருக்கும் அண்ணாமலையார் சந்நிதிக்கு நேர் பின்புறம், அதாவது மலையின் பின்புறம், கிரிவலப் பாதையில் அமைந்துள்ளது.

மூலஸ்தானத்தில் ஆதி அண்ணாமலையார் சிவலிங்க ஸ்வரூபமாக எழுந்தருளியுள்ளார். அம்பாள் ஆதி அபிதகுசலாம்பாள் உடன் எழுந்தருளியுள்ளார்.

வலச்சுற்றில் பிள்ளையார், வள்ளி-தெய்வயானை உடனாய முருகக் கடவுள் மற்றும் அனேக லிங்கங்களைக் காணலாம். ஒரு லிங்க பாணத்தில் சிவனாரின் திருமுகமும், மற்றொன்றில் அனேக லிங்கங்களும் பார்க்கலாம்.

அங்க மண்டபம், உண்ணாமலை தீர்த்தம் காணலாம். இங்கிருந்து அருணாசலேஸ்வரரை பார்ப்பது சிவயோக முக தர்ஷன் எனக் கூறுவர். திருமூலர் தரிசித்துள்ளதாக கூறுகின்றனர்.