அருள்மிகு ஸ்ரீ புஷ்பவனநாதர் திருக்கோவில் (தென் திருப்புவனம்)

மூலவர்: ஸ்ரீ புஷ்பவனநாதர், அம்பாள்: ஸ்ரீ பூந்தேவி.

மூலஸ்தானத்தில் சிவலிங்க வடிவினராக எழுந்தருளியுள்ளார் மூலவரான ஸ்ரீ புஷ்பவனநாதர்.

நின்ற திருக்கோலத்தில் கிழக்கு நோக்கி தரிசனம் தருகின்றாள் அம்பாள் ஸ்ரீ பூந்தேவி.

கோஷ்டமூர்த்தங்களும், பிரகார வலச்சுற்று தேவதைகளும் அழகாக இருக்கின்றனர்.

ஸ்ரீ வரதராஜப் பெருமாள் சங்கு - சக்கரதாரியாக நின்ற திருக்கோலத்தில் வடக்கு நோக்கி எழுந்தருளி சேவை சாதிக்கின்றார்.

இங்குள்ள தட்சிணாமூர்த்தி யோக நிலையில் காணப்படுகிறார். கால் மாற்றி அமர்ந்துள்ளது வித்தியாசமான கோலம்.

வலக்காலை மடித்து இடது தொடை மீது வைத்துள்ளார். சின்முத்திரை, தனுர் ஹஸ்தம், மான், மழு கொண்ட சதுர்புஜங்களை உடைய அழகிய திருமேனி.

கல்லால மரம், முனிவர்கள், ஓலைச்சுவடி ஆகியன காணப்படவில்லை.

பலவிதமான அலங்காரங்கள் செய்கின்றனர்.

கடனா நதி, ராம நதி மற்றும் தாமிரபரணி மூன்றும் சங்கமிக்கும் முக்கூடலின் தெற்கே உள்ளது.