கல்வெட்டுகளில் இத்தலம் தென்னாற்றூர் எனக் குறிப்பிடப்பட்டுள்ளது. மகான்களும், ரிஷிகளும் இளைப்பாறுவதற்காக ஒரு மடம் கட்டப்பட்டது. அன்றிலிருந்து இந்த ஊர் 'மடம்' என்று அழைக்கப்படுகிறது.
இது குலோத்துங்க சோழன் காலத்திய கோவில். ஒரு தடாகத்தை (குளம்) உருவாக்க பூமியைத் தோண்டியபோது ஒரு சிவலிங்கம் கிடைத்ததாம். அந்த சிவலிங்கத்தை பிரதிஷ்டை செய்து கோவில் எழுப்பியுள்ளனர். இதனால் இறைவனுக்கு தடாகபுரீஸ்வரர் என்ற பெயர் வந்தது.
இக்கோவில் தற்போது பராமரிக்கப்பட வேண்டிய நிலையில் உள்ளது.
மூலவர்: தடாகபுரீஸ்வரர், அம்பாள்: பெரியநாயகி.
மூலஸ்தானத்தில் சிவலிங்க வடிவினராக எழுந்தருளி அருள் புரிகின்றார் தடாகபுரீஸ்வரர். இவர் சுயம்பு மூர்த்தம்.
இறைவனுக்கு ஸ்ரீ அக்னீஸ்வரமுடையார் என்றும் ஒரு பெயர் உண்டு. இங்கு அழகான நந்தியம்பெருமானை தரிசிக்கலாம்.
கிழக்கு நோக்கிய தனி சந்நிதியில் அம்பாள் பிரஹந் நாயகி என்கிற பெரிய நாயகி எழுந்தருளி அருள்பாலிக்கிறாள்.
ஸ்ரீ நடன கணபதி, வள்ளி-தெய்வயானை உடனாய ஆறுமுகப் பெருமான், வீணா தட்சிணாமூர்த்தி, 108 லிங்கம், சஹஸ்ர லிங்கம், விஷ்ணு துர்க்கை, காமாட்சி, சிவ சூரியன் ஆகிய மூர்த்தங்களையும் இங்கு தரிசிக்கலாம்.
05.30 AM
07.00 PM
Temple Festival announced early! Join us for the divine celebrations and blessings.
Reserve your sacred rituals in advance for a blessed experience.
