அருள்மிகு சோழராஜா கோவில், ஒழுகினசேரி

மூலவர்: ராஜேந்திர சோழீஸ்வரர், அம்பாள்: கோலவார் குழலேஸ்வரி. மூலஸ்தானத்தில் ராஜேந்திர சோழீஸ்வரர் சிவலிங்க வடிவினராக எழுந்தருளியுள்ளார். அழகிய திருமேனி. வலப்பக்கம் உள்ள தனி சந்நிதியில் அம்பாள் கோலவார் குழலேஸ்வரி எழுந்தருளி அருள்பாலிக்கின்றாள். வலச்சுற்றில் பிள்ளையாரையும், முருகனையும் தரிசிக்கலாம். பழையாற்றின் கரையில் அமைந்துள்ள இக்கோவிலை வரலாற்றுக் குறிப்புகளில் ராஜேந்திர சோழீஸ்வரம் எனக் குறிப்பிட்டுள்ளனர்.